ယနေ့ပြုဖွယ် ၊ ကြီးငယ်ကိစ္စ
ဟူသမျှကို ၊ ယနေ့ပင်လျှင်
အားသစ်ဆင်လှိုင်း ၊ စောင့်ဆိုင်းမနေ
ပြုအပ်ပေ၏။။
မသွေနိစ္စ ၊ သေရမည့်ရက်၏
ချိန်းအဆက်ကို ၊ စစ်တွက်သေချာ
မသိရဘူး။။
ဇာတိတရား ၊ ရလာငြားက
မမှားဧကန် ၊ သေရမှန်လိမ့်
မသေရန်ရေး ၊ ဥစ္စာပေးလည်း
ရရေးမမြင်။။
ဆင်မြင်းဗိုလ်ပါ ၊ ညီညာရုံးစု
တွန်းလှန်ပြုလည်း ၊ ရမူမမြင်
မရဏရှင်၏ ၊ ခေါ်ငင်သွားရာ
လိုက်ရရှာသည်။။
သူငါလူစု ၊ သန်ဝေရှု၍
ယနေ့ပြုဖွယ် ၊ ကြီးငယ်ကိစ္စ
ဟူသမျှကို ၊ ယနေ့ပင်လျှင်
အားသစ်ဆင်လှိုင်း ၊ စောင့်ဆိုင်းမနေ
ပြုအပ်ပေသည်။
ဗုဒ္ဓဟောကြား ၊ မြတ်တရားတည်း။။
အရှင်ပညာသီရိ ၊ မင်္ဂလာမဏ္ဍိုင်ကျောင်းတိုက်။။
No comments:
Post a Comment